كل الناس قعدة تقول دة شخص ايجابي الحق دة شخص مؤثر دة بقي شخص مالوش حل !!!!!!!!
طب وانا حد فكر اني انا برضو شخص ايجابي أيوة بطل فخر إيجابي أقولكوا أنا إزاي ؟؟؟
بتخانق في كليتي وبعمل بطل وصحابي يهنوني دانتا اديتة حتة قلم جامد يا واد
وياسلام واحنا مروحين اما اقعد اظبط واحدة كدة بس مش اي واحدة واقعد افكر ادخلها ازاي ويا سيدي بقي اما اظبطها واخليها تعزمني عالكافية وتكتبلي محاضراتي ومسجات اية ورنات اية احلي عيشة مجهود برضو امال اية داحنا بنعب والله .......
واما اشتغل ابويا واخد فلوس الكورسات واضربها واعيش بقي يا جدعان واروح للحاجة كدة اظبطها بكلمتين حلويين وبوسة هنا وبوسة هنا والله الحاجة دي بتصعب عليا
ولا البت اختي قعدة تذاكر طول الوقت وتقطعلي بشعرها ال اية اعصابها بايظة اية الناس دي وكمان عاوزاني اقعد جنبها ياعم دي تعبانة دي ولا اية هما يعني اللي اتعلموا اخدوا إية؟؟؟؟؟؟؟ حد يقولي يا متعلمين مانتوا قاعدين ماليين القهاوي اهو حنضحك علي بعض
وانا اسيب الكلية واعمل اية واروح اشتغل واتبهدل واصحي بدري لا يا خونا انا كدة زي الفل واكل شارب نايم وباخد مصروفي ومقلبلهم وعااااايش يا جدعان اتعب نفسي لية وتقولي خليك ايجابي مانا ايجابي
وكمان مرة ايجابي حد عندة مانع هنا؟؟؟ ايوة اه بحسب .......
دة حال شباب كتير معانا ومش بعيد عننا لا دة يمكن يكون اخو حد مننا او جارك او ابن خالتك او بن عمتك دايماً مركزين مع الشباب الايجابي ربنا يحرسهم ويزيدهم ويثبتهم يارب ونسينا دول ونسينا اننا كنا في يوم زيهم ياتري ممكن نوصلهم إزاي حد يقولي ؟؟؟؟؟؟؟؟
