تك تك تك تك عااااااااااوزة أناااااااااااااام ستة لالالالالالالالالالالالالالالالا
وكعادتي مارست طقوسي اليومية ورجعت شايلة أحلي كوباية نسكافية فيكي يا مصر ووقفت قدام مرايتي وضحكت لنفسي ضحكة أنا بس إللي عارفة معناها ............................................... النهاردة الخميس يا جدعااااااااااااااااان
وكالعادة سمعت شعارات النادي الاهلي عندنا مش حتكلي الأكل برد وأتسخن 3 مرات هو ينفع كدة مفيش مسؤلة ولا إحساس
طبعاً عرفتوا مين اللي رافع الشعار :)
وكالعادة رديت لسة صاحية بجهز معدتي لاحلي أكل في الدنيا وأنا أقدر برضو وطبعاً ولا حاكل أصلاً لأن ببساطة الغدا سممممممممممككككككككككككككككككككككككك وكمان مشوي
وفي لحظات معددوات هوب جهزت وخرجت من أوضتي لبسة وش الاسد ومستعدة للأنطلاق وزي ما رتبت قبل ما أنزل رحت لمحل الورد النهاردة عيد ميلاد مي حبيبتي زرحت لاجدع وأحلي بتاع كبدة في المنطقة عبدة الفلاح
وركبت تاكسي بقي روش اخر حاجة وقعدة أمني نفسي بقي بالكبدة وحلاوتها ريحتها تتخذ مسار سلطعوني وتنفذ لمنخوري وتتسلق حتي خلايا المخ فتعشش فيها إمتي بقي أوصل وأطلب عصير البرتقال وأعمل أحلي دماغ وفي الوقت إللي أنا سارحة بأحلامي ومع صوت مطرب الجيل الذي أختلف وقد أتفق معة بذات الوقت تسربت لاذني بعض من كلمات أغنية لة لاول مرة بسمعها ودة لا سمح الله مش عيب منة لا خااااااااالص دة تقصير مني
حسب ما أتذكر بيقوله فيها مبروك بقيتي أم وحيبقي شبهي شبهك وحفرح أما تحبية أكتر مني ..... الكلمة رنت في وداني هو في حد كدة
حنين ومتفهم لا ولا أة طب لية عمري ما سمعت عنهم ولا بشوفهم غير في الافلام لية ياتري مش موجوديين في الحقيقة ولا إحنا مكتوب علينا نشوف من بعيد ومحرم اللمس أو الاقتراب الله طب وأنا مالي أنا عارفة بختي عثل عثل عثل عثل
وسرحت بخيالي لفوووووووق فووووووووووق فوووووق ولقتني واقفة قدام قمر وبيضحكلي وبيقولي قربي مكنتش مصدقة نفسي
أنا بجد شايفاك طب إنت فين من زمان لية مكنتش بتيجي ليك وحشة ياراجل ضحك ضحك قوي وقالي أنا موجود وخدني من إيدي وقعدني جنبة وقالي عارفة
قولتلة قووووووووول عرفني
قالي أنا زي أي شاب مصري أصيل ضحتة سابقاة رغم همومة وطيبتة محاوطاة رغم ذل العيشة اللي واكلها وشاربها دمعتة بتغسل حزنة وبرضو مكمل وراضي عارفة جوايا أمل وطموح يهز الكون ويملاها فرح وزغاريط
قولتلة يااااااااااااااة دأنت حملك تقيييييييل قوي
قالي بس راضي ودة مش ضعف دة حب وأمل في بكرة جاي أنا شايفة من بعيد
ضحت وقولتلة مش بعيد قوي مانا جنبك أهو
قالي إنتي صحيح دنيا وأحلي دنيا
قولتلة طب يلا هات إيدك نعيشها سوا ونعمرها سوي ونجيب ولاد وبنات كتيييييييييييير يلعبوا ويضحكوا ويبقوا أحسن مننا
ونحلم لهم بمستقبل جميييييييل
قالي مستقبل وخد نفس طويييييييييييييييل إنتي بقي الخير والبركة بلدنا حلوة قوي وفيها خير كتيير حبوها تحبكوا وتديكوا
ولقيت شكلة بيتغير لالالالالالالالالالالالالالالالالالالالا مش قادرة حتي أرفع عيني أرجوك
قالي أمسكي نفسك أنا لسة بقول إنتي الدنيا لكن أنا في الآخرة
صرخت وقولتلة أنا عارفااك عارفااااااااااااك إنت إنت إنت خالد أيوة أنا عارفاك خالد سعيد
قالي أة أنا هنا مبسوط ومرتاح من الدنيا بس أنا بوصيكي علي أهلي وحبايبي وجيراني وعيلتي أنا بوصيكي علي مصر دي حلوة قوي وجميلة قوي حبيها تحبك وأديها تديكي متسبيهاش للظلم ومتستسلميش عمرك فية أمل أنا بقولك لسة في أمل يمكن الأمل يموت لكنة موت جميل أوعي تسبية ومسك وطبطب عليها فالي خلاص متخافيش بصي أنا أهو كويس وبضحك لاني ضحيت بحياتي عشان بلدي بس
أنا مبسوط ومش حوصيكي بأهلي وصحابي وبلغيهم رسالتي ومصر أمانة في رقبتكوا
ووووووووو يا أستاذة إية رحتي فين وصلنا