من المواقف الطريفة اللي بتتعرضلها اي بنت وخصوصا البنت المصرية انها تحس انها مانيكان
لا متفهمنيش غلط مستحب الفرجة ومستحب الهزار والخفة اللي ما تعرفوش بتيجي منين وكل
الموجودين تلاقيهم فجاة ولا اسماعيل ياسين وكل شئ مستحب اهو ..عروسة بقي
ايوة عروسة بقي طبعاً كل البنات فهموني ححكلكوا علي موقف من المأسي دي ......
في ليلة غمقة ماطلعلهاش قمر كنت مروحة الايام وكالعادة ماشية بسرعة زي ما اكون حقع علي وشي (زي مابيقولولي )
وطلبت معايا ابوة طلبت اجيب لب وسوداني واعيش الموقف فببراءة الاطفال ماشية بقي اغني
وأهني نفسي باللب اللي حيبقي تسليتي الليلة وجبت بقي فضلة خيركوا لب أسود أيوة أسود
الصغيير دة ولب أبيض ودة لمامتي حبيبتي عشان ما تاكلش لبي وسوداني وراجعة بقي البيت
بهني روحي وفجأة وأعوذ بالله من كلمة فجأة سمعت صوت عارفاة كويس أجري أروح فيين بس طب
أعمل فاقدة الذاكرة لالالا طب أعمل طرشة أيوة هي دة ولسة يعييش الدور لقيت إيد إتمدت
ومسكت ذراعي وقعت يا حلو وفجأة تحولت من شخصية الطرشة لشخصية إجتماعية ماقولكوش بقي
أهلالالالالالالا إزيك يا طنط ياتري إية حدفك عليا اييييييية أقصد وحشاني والله
أهلا يا حبيتي وحشاني ها إتخطبتي ولا لسة
وأنا لو أتخطبت حد فيكي يا مصر مش حيعرف دة بالقيل حعمل فرحي في الاستاد لسة والله هما بس أنت عارفة النفس بقي
طب بصي بقي المرة دي عريس إنما إية أخلاق إية وعيلة إية
إنجزي يا طنط شكلة حيطلع رد سجون قلبي بيقولي
هو عندة شقتة وعربيتة وساكن هنا جنبكوا وهو شافك ومن ساعتها كلميها يا طنط كلمتيها هههههههههه مش قادر علي بعدك
بعد إية وأنا أعرفة أصلا ماشي حمشيها مع إنها وسعت
هو من عيلة مقتدرة وزي الفل هو بس
وقبل ماتكمل بس قولت لنفسي شكلة حيطلع 60 سنة ماهو مش معقول شقة وعربية وعيلة وهو ياعيني صغيير السن
هو بس عندة عيل
عيل يعني إية والدم غلي في عروقي يعني إية الكلمة دي
بس عيال أية
عيال هما مش كانوا عيل
أقصد عيلين بس بسم الله ماشاء الله قمر
وقررت بقي في اللحظة دي أصلحة علي زوجتة أومال وأنا أضييع وقت
وياتري بقي سبب الطلاق إية ليكون بخيل ولا يكون بيضربها ؟؟؟؟؟؟؟؟؟؟؟؟؟؟؟؟؟
لا خالص أصل إيدها طويلة
طويلة طب يا طنط دي تبقي مريضة ممكن تتعالج هي بس محتاجة دكتور نفسي وسهلة دا في أصعب من كدة وبتعالجوا وبيبقوا أحسن والله
لا والله دة حاول معاها كتيييييييييييير حتي أسألي مامتة أهي واقفة جنبي
طبعاً مقولوكوش حماتي يانينة دلوعة عليا واقفة وساكتة وتحولت بنظري لحماة المستقبل
لالالالالالالالالا رجعوني تاني مين دي
إنتي معاكي شهادة إية
لا دي بقي بتشتغل كذا وكذا وكذا
ااااااااااه
عندك كام سنة
احمممممممممممم مشطوب
بصي هو حاول معاها كتييييييير ودي الطلقة التالتة بس حنعملها إية هي اللي خربت علي روحها هو في واحدة تمد إيدها علي إبني برضو
لالالالالالالالالالا أستنوا لحظة هي بتمد إيدها في جيبة ولا بتمدها علية
بصتلي شزرا وطبعا الإجابة واضحة روحوا الله يسهلكوا بدل ما أصوت وألم عليكوا الشارع روحوا من وشي
وبصيت لبيتنا كأني مش شفتة من سنيييييييييييين وحشني والله وطبعا الليلة دي كانت ليلة سعيدة لدرجة إني قضيتها كلها جوة الثلاجة الله حرارنة حراااااااااااانة
السلام عليكم ورحمة الله وبركاته
ردحذفاثناء تصفحى موقع مصراوى في احد الايام وجدت خبر ان المراة المصرية اقتنصت من الامريكيات المركز الاول في ضرب زوجها ويبدأ الضرب من الهزار بالشبشب الى الاكياس وكانت انجلترا في المركز الثالث بعدهم نساء الهند
دائما مصر في الصدارة
والسلام ختام............